Este venres no recreo de talentos tivemos a sorte de contar coa actuación de Iria e Lucía, alumnas de 6º de E.P. Amosáronnos o ben que cantan as cantigas tradicionais da nosa comarca acompañadas da pandeireta.
No seguinte vídeo podedes ver o ben que o fixeron:
O alumnado participante no voluntariado de lectura solidario desprazouse ás instalacións de AFABER, en Bértoa, para coñecer esta asociación dedicada ás persoas con Alzhéimer.
Foi unha xornada moi especial para o noso alumnado e tamén para as persoas usuarias desta asociación. O persoal de Afaber explicoulle ás nenas e nenos o sentido da asociación, o labor que realizan tanto para as persoas usuarias como para as súas familias e as actividades que se fan no día a día.
Non nos queremos despedir sen dar as grazas a todo o persoal de Afaber e ás persoas usuarias polo ben que nos acolleron durante esta visita.
Na sesión do club de lectura de hoxe o alumnado de 5º e 6º de E.P. comezou a falar do libro que leron para este trimestre: "Wombo Combo", de Paula Carballeira.
Dada a temática do libro, foron comentando os perigos que os nenos e nenas da súa idade poden atopar a diario cando acceden a internet. Ademais foron contestando a algunhas preguntas concretas acerca da historia que se conta na obra (das respostas que deron conclúese que leron todo o libro e que o nivel de comprensión lectora foi moi bo).
Verónica e María, as mestras que levan o club, xa lles foron adiantando ás nenas e nenos as próximas actividades arredor desta lectura: análise de vídeos sobre os perigos da rede, a creación dun avatar persoal e a resolucion dun Kahoot a modo de repaso do libro.
Hoxe o alumnado que se achegou á biblioteca de Tintón durante o recreo tivo a oportunidade de coñecer un novo obxectivo de desenvolvemento sostible: a educacion de calidade. A través deste vídeo puideron comprobar que a educación non é algo que estea garantido para tódalas nenas e nenos do mundo; isto é debido a que en moitos casos estes nenos e nenas teñen que traballar desde pequenos ou que as escolas están a moitos quilómetros de distancia.
.jpeg)
Ademais reflexionaron sobre o feito de que aínda que teñamos acceso á educación, esta debe ser de calidade, inclusiva e cun número de escolas e profesorado sufiente para atender ás necesidades de cada neno e nena.
Para rematar esta sesión propúxoselle ao alumnado un novo reto: debuxar como sería a súa escola ideal, incluíndo frases relacionadas coa calidade educativa (instalacións adecuadas e seguras, profesorado en cantidade suficiente, materiais variados, etc.).
Do mesmo xeito que na sesión dedicada ao obxectivo fin da pobreza, ofrecéuselle ao alumnado unha serie de recomendacións lectoras:
.jpeg)
.jpeg)
.jpeg)
.jpeg)
.jpeg)
.jpeg)
Os nenos e nenas que forman parte do voluntariado de lectura solidario visitaron esta semana o C.E.E. Lenda educativa . No presente curso alumnado deste centro visitou a nosa biblioteca no mes de novembro (Andrea, Suso, Rubén, Tiago e Adam), así que nesta ocasión tocoulle ao noso alumnado achegarse ata o seu centro, situado na parroquia de Ardaña. Cando chegaron foron recibidos polo profesorado e alumnado de Lenda Educativa. Seguidamente propuxéronlles un xogo de pistas baseado no conto "Ratos na escola", para o cal empregaron uns ratiños que lles agasallaron na visita que fixeran en novembro á nosa biblioteca. Foron lendo as pistas ata atopar todos os ratiños e así tamén coñeceron as instalacións de Lenda Educativa.
Ademais do xogo de pistas tíñannos preparada unha sorpresa moi especial: dúas placas de cerámica para personalizar estampando as pegadas do alumnado dos dous centros e así ter un recordo destes momentos compartidos.
A xornada rematou cun partido de fútbol e voleibol e tamén cunha morea de apertas, así como o desexo de organizar un novo encontro entre as nenas e nenos de ambos centros.
O pasado martes o alumnado de 2º de Educación Primaria visitou unha explotación de minería sostible en Vimianzo e foron acompañados do polbo Tintón. As nenas e nenos visitaron a explotación, tiveron ocasión de plantar unha árbore e tamén modelar figuras cos materiais que se extraen da mina (caolín, mica e areas silíceas).
Este luns na biblioteca do noso centro demos inicio a unha actividade relacionada coa Axenda 2030 para o desenvolvemento sostible. De aquí ata final de curso cada luns presentaráselle ao alumnado un dos obxectivos e tamén un reto.
nela explícalle ao alumando que durante o recreo dos luns poden acudir á biblioteca a esta actividade e cada vez que vaian poden ir coleccionando as pegatinas de cada obxectivo; a finais de curso haberá premio para as nenas e nenos que teñan máis pegatinas.
DÍA MUNDIAL DA CONCIENCIACIÓN SOBRE O AUTISMO. No día de onte conmemoramos na escola o Día mundial da concienciación sobre o autismo . A act...
