VOLUNTARIADO LECTOR: VISITA DE ASPABER.

Na mañá deste venres tivemos o gusto de recibir a visita de varias persoas usuarias de ASPABER á nosa biblioteca. Parte do alumnado que forma parte do voluntariado lector, dentro da liña de lecturas solidarias, (Eric, Pepe, Sofía, Iago, Carme e Mateo) acolleu a Manolo, Dani, Iván, Elisa e Juan Carlos, así como a Nerea (a educadora que os acompañou). 

O primeiro que fixeron os nenos e nenas foi ensinarlles a nosa biblioteca ás persoas usuarias de ASPABER  e a continuación léronlles o conto "Yo voy conmigo". Neste conto ponse en valor a diversidade de gustos, personalidades, etc. sen importar o que pensen as demais persoas de nós; é dicir manter a nosa esencia.

Despois de ler o conto o alumnado e as persoas usuarias realizaron unha actividade consistente en facer un debuxo que reflectise as súas  principais características e gustos persoais. 

A xornada rematou cunha distendida conversa na que as persoas ususarias de ASPABER lle contaron ás nenas e nenos os obradoiros que realizan no seu centro (carpintaría, escaiola, empaquetado) para diferentes empresas. Tamén comentaron os gustos e afeccións comúns entre maiores e máis pequenos.

Nesta presentación de fotos podedes ver un resumo de todo o que vos acabamos de contar.

RECREO DE TALENTOS: FRAUTA.

No recreo de talentos de hoxe tivemos actuación musical. O alumnado que asistiu á biblioteca de Tintón puido gozar do talento á frauta de Marley, compañeiro de 4º de Educación Primaria.

No seguinte vídeo tedes unha pequena mostra do concerto que nos ofreceu.

 

VOLUNTARIADO LECTOR.

No día de hoxe o alumnado que forma parte do voluntariado lector da biblioteca de Tintón acudiu á súa cita mensual co alumnado de Educación Infantil e do primeiro ciclo de Educación Primaria (1º e 2º). É unha actividade moi ilusionante e gratificante, tanto para o alumnado de 5º e 6º que prepara as lecturas e as actividades posteriores á mesmas, como para os máis pequenos (hai que dicir que están súper atentos á lectura e participan con entusiasmo nas actividades que organizan as súas compañeiras e compañeiros máis maiores). 

Algúns dos contos que se leron no día de hoxe foron: "Aventuras dunha pinga de auga", "Blobló", " O Grúfalo" ou  "Un segredo do bosque", entre outros.

Aquí van algunhas fotos e un vídeo desta actividade que tanto nos gusta a todo o centro.

5º-A de Educación Infantil

 

1º-B de Educación Primaria

1º-A de Educación Primaria

2º-B de Educación Primaria

2º-A de Educación Primaria

RECREO DE EXPERTOS/AS: ESTIRAMENTOS.

Hoxe no recreo o alumnado puido asistir a unha sesión de estiramentos dunha experta: Aroa, de 4º de E.P. Realizou diferentes tipos de estiramentos e animou ás nenas e nenos que acudiron a este recreo de expertos/as a que os fosen facendo con ela.

Aquí tedes unhas fotos nas que podedes ver que ben o fixo.

CANTA, MIÑA COMPAÑEIRA.

Hoxe temos unha novidade que nos fai especial ilusión comunicarvos: a posta en marcha dun proxecto en colaboración coa biblioteca do CEIP Fogar de Carballo. En primeiro lugar queremos presentarvos ao rato Biblio, que é a mascota da biblioteca do Fogar e que será o compañeiro de  Tintón neste proxecto conxunto.

Agora toca contarvos algunhas cousas sobre o proxecto:

• Vai estar centrado na figura das cantareiras, ás que este ano se lle dedica unha conmemoración tan salientable como é o Día das Letras Galegas. Nesta ligazón tedes máis información:  RAG DÍAS DAS LETRAS GALEGAS 2025
• Está dirixido ao alumnado de 3º e 4º de Educación Primaria de ambos centros: CEIP Fogar e CEIP Bergantiños.
• Un dos obxectivos do proxecto é que o alumnado investigue na súa contorna arredor da música e a canción de tradición oral. 

Non perdades de vista o blog de Tintón, pois proximamente teredes máis información sobre esta nova aventura.

25 DE NOVEMBRO: DÍA INTERNACIONAL DA ELIMINACIÓN DA VIOLENCIA CONTRA A MULLER.

Cada 25 de novembo a comunidade educativa do noso centro conmemora o Día internacional da eliminación da violencia contra a muller; pero, sabedes por que se celebra nesta data en concreto?. Premendo nesta ligazón poderedes atopar a resposta:

25 DE NOVEMBRO

Durante a xornada de hoxe traballamos arredor deste conto, nunha actividade proposta polo Equipo de Convivencia do centro. 

Na biblioteca de Tintón seleccionamos algunhas lecturas en relación a esta temática que o alumnado ten ao seu dispor. 

A continuación tedes dúas ligazóns nas que aparecen máis lecturas con temática sobre a  igualdade de xérero e a eliminación da violencia contra a muller:

LECTURAS PARA EDUCACIÓN INFANTIL E 1º CICLO DE PRIMARIA

LECTURAS PARA EDUCACIÓN INFANTIL E EDUCACIÓN PRIMARIA

RECREO DE TALENTOS: MANUALIDADES.

Este venres a biblioteca de Tintón encheuse de público para coñecer o talento de dúas compañeiras de 2º de E.P.: Nayet e Valeria. 

Estas nenas fixeron unha exposición das moitas manualidades que crean nos seu tempo libre. Ademais de amosarllas aos nenos e nenas que acudiron a este recreo de talentos, estiveron explicando como as crearon e dando trucos e consellos para a realización das mesmas.

Desde aquí dámoslles un forte aplauso pola súa imaxinación e creatividade!.

 

CLUB DE LECTURA DO 2º CICLO DE E.P.

Unha das novidades do club de lectura da nosa biblioteca para este curso  é que este se oferta tamén para o alumnado do segundo ciclo de E.P. (3º e 4º curso). 

Esta semana tivo lugar a primeira sesión do "Océano dos libros" para as nenas e nenos de 3º e 4º que se inscribiron nesta proposta de animación á lectura. Comprácenos dicir que esta actividade tivo unha moi boa acollida entre a rapazada. Nas fotos que aparecen a continuación podedes ver o gran número de alumnado que se interesou por participar no club:

ALUMNADO DE 3º DE EDUCACIÓN PRIMARIA

ALUMNADO DE 4º DE EDUCACIÓN PRIMARIA

Do mesmo xeito que se fixo no club do 3º ciclo de E.P., nesta primeira sesión os nenos e nenas presentáronse (comentaron os seus gustos e afeccións, así como preferencias literarias). Unha vez feitas as presentacións pasaron a escoller as obras que formarán parte da lecturas do club durante este curso. Aquí tedes as obras escollidas:

-Entre as obras de narrtiva elixiron:

-A obra escollida no apartado de teatro foi:

-A historia elixida en banda deseñada foi esta:

Non deixedes de visitar o blog do polbo Tintón para estar ao día de todas as actividades do club de lectura, tanto do 2º como do 3º ciclo de E.P.

MES DAS CIENCIAS NA BIBLIOTECA DE TINTÓN

Durante o presente mes de novembro celébrase o Mes das Ciencias e na biblioteca do polbo Tintón estamos a propoñer unha serie de iniciativas en relación a esta conmemoración. En primeiro lugar, e co obxectivo de animar ao alumnado a ler obras relacionadas con todo tipo de ciencias, estamos agasallando cunha chapa a cada nena e neno que leve en préstamo un libro relacionado con esta temática.

Ademais facemos unha serie de RECOMENDACIÓNS LECTORAS sobre a temática científica:

Deixamos tamén unha serie de ligazóns que nos parecen moi interesantes:

MES DA CIENCIA EN GALEGO NAS BIBLIOTECAS

RECOMPILACIÓN DE MATERIAIS DE CIENCIA EN GALEGO 

SELECCIÓN DE LIBROS INFORMATIVOS SOBRE CIENCIA EDITADOS EN LINGUA GALEGA