CAMPAÑA DE COLABORACIÓN COA FUNDACIÓN AMIGOS DE GALICIA

Este luns o alumnado de Educación Primaria do noso centro asitiu a unha charla de concienciación sobre o consumo responsable de xogos e xoguetes impartida por dúas voluntarias da Fundación Amigos de Galicia. Ademais, a biblioteca do noso centro participa na Campaña solidaria de Nadal 2023 desta mesma fundación. Para iso colocáronse na biblioteca do centro unhas caixas nas que toda a comunidade educativa pode colaborar doando algún xoguete novo. Tamén se colocaron carteis na piscina municipal que está a carón do centro e nalgúns negocios nas proximidades da escola para animar á veciñanza a colaborar con esta iniciativa.