VOLUNTARIADO SOLIDARIO: VISITA DE ÍNTEGRO

No día de hoxe recibimos na biblioteca de Tintón a visita de varias persoas usuarias da asociación ÍNTEGRO.

A visita á nosa biblioteca enmárcase dentro da conmemoración CONTRA O ACOSO ESCOLAR (BULLYING).

Para o alumnado voluntario da aula de 5ºA de EP, esta foi unha experiencia enormemente enriquecedora, pois tiveron a ocasión de escoitar de primeira man os testimonios destes mozos mozas; falaron de   experiencias persoais negativas que viviron na infancia (falaron de humillacións e acoso escolar) e tamén no momento actual (verse tratados como se fosen aínda nenos e nenas en lugar de persoas adultas, ocultarlles información, sobreprotección, etc.).

As persoas usuarias de Íntegro e o alumnado do noso centro realizaron unha actividade conxunta, composta por 4 estacións:

1.    “As palabras que doen”: cambiaron expresións ferintes por outras amables e agarimosas.

 

2.    “O noso espazo positivo”: debían destacar persoas que lles evocasen cousas positivas, como facelas rir, axudalos/as sempre,…

 

3.    “Como me sinto”: plantexábaselles unha situación e tiñan que escribir que emocións ou sentimentos sentirían na mesma.

 

 

4.    “Eu podo axudar cando…”: pensar en pequeno grupo situacións nas que poderían axudar a unha persoa, especificando o modo de levar a cabo esta axuda.

 

 

 

Non nos queremos despedir sen darlle as grazas a estes mozos e mozas por falarnos das súas vivencias en relación á discapacidade, así como á asociación Íntegro pola súa boa disposición para colaborar coas propostas do voluntariado solidario da nosa biblioteca, así como pola gran labor que desempeñan no seu día a día. Vémonos na vindeira visita!

 

                                                                    Saúdos! 

O polbo Tintón.