REAPERTURA DA BIBLIOTECA

 

Boa tarde, meus amiguiños e amiguiñas!

Traio fantásticas novas para todos vós! A vindeira semana, reabre a biblioteca do noso centro educativo e faino por todo o alto! Presentarase o proxecto que desenvolveremos no colexio ao longo deste curso. Esperamos que vos encante, tanto coma a nós!

Velaquí podedes consultar a organización dos días para que as distintas aulas coñezan o proxecto:

 

 

            Así mesmo, O MARTES 21, A BIBLIOTECA ABRIRÁ AS SÚAS PORTAS DURANTE OS RECREOS! Contamos convosco, xa que sen vós a biblioteca non tería sentido.

 

            Por último, déixovos algunhas das actividades que iniciaremos a finais deste mes de outubro, como son os clubs de lectura de 3º, 4º, 5º e 6º de EP.

 

            Xa vos dixen que viña cargadiño de novidades! Vémonos prontiño.

 

APERTAS!

O polbo Tintón.

 

REPARTO DE CARTAS AO ALUMNADO: TALENTOS, EXPERTOS E VOLUNTARIOS

 

Esta semana, os meus axudantes colaboraron comigo para poder facer o reparto das distintas cartas para poder poñer en marcha as diferentes actividades que organizamos desde a biblioteca.

Repartiron cartas aos posibles voluntarios/as e a todo aquel alumnado que queira participar en “Talentos e expertos”.

 

VOLUNTARIOS/AS: poden ser de tres tipos.

1.    Voluntarios/as de recreo: axudan unha vez á semana, no recreo, no quefacer diario da nosa biblioteca.

2.    Voluntarios/as de lectura aos pequenos/as: unha vez ao mes, irán a lerlle aos nenos/as de Ed. Infantil e 1º ciclo de EP.

3.    Voluntarios/as solidarios/as: colaborarán cunha das asociacións que eles/as mesmos/as escollan.

 

 

 

 

 

 

TALENTOS E EXPERTOS:

1.    Talentos: actuar na biblioteca amosando algunha habilidade ou destreza nalgún ámbito.

2.    Expertos: impartir un obradoiro.

 

 

 

    Moitas grazas, de antemán, pola vosa colaboración. Vémonos prontiño!

 

 

APERTAS!

O polbo Tintón.

 

 

 

CADRO-RESUMO DA ASIGNACIÓN DA HORA DE BIBLIOTECA

 

Aquí tedes un cadro onde aparece que sesión se lle asignou a cada unha das aulas do noso centro para que poida desfrutar para ela soa da biblioteca!

Desfrutade moito da vosa sesión semanal na biblioteca, nenos e nenas! 

Recordade manteala ordeada!

 

APERTAS!

O polbo Tintón.

 

 

 

VOLUNTARIADO DE BIBLIOTECA

    Do mesmo xeito que viñemos facendo o pasado curso, darémoslle continuidade á participación da biblioteca do noso centro na iniciativa "BIBLIOTECAS ESCOLARES SOLIDARIAS".

    Esta actividade está dirixida a toda a rapazada de 5º e 6º de Educación Primaria que se anime a participar en calquera das tres liñas do programa: "Recreos", "Lectura aos peques" e "Lectura solidaria".

    Desde aquí, animámosvos a participar nesta iniciativa que tan boa acollida tivo o curso pasado tanto dentro como fóra da comunidade educativa.

    Na seguinte infografía atoparedes toda a información:

 

 

 

Apertas!

O polbo Tintón

 

A NOSA BIBLIOTECA NAS REDES SOCIAIS

    Co obxectivo de dar a coñecer as diversas actividades que se levan a cabo na nosa biblioteca, recordamos que contamos con contas nas redes sociais de FACEBOOK E INSTAGRAM. 

    É moi sinxelo atoparnos; buscade "Polbo tintón" ou "a_biblioteca_do_polbo_tinton".

 

 

 

 

 

         Se aínda non nos seguides, animádevos e deixade algún 👍 e   💜!

 

 

             Saúdos.

            O polbo Tintón 

 

 

COMO FUNCIONA A BIBLIOTECA DO POLBO TINTÓN?

 

Como sei que algún ou algunha de vós estará interesado/a en coñecer máis sobre o  funcionamento da nosa biblioteca, velaquí vos comparto un enlace, onde poderedes observar e coñecer de primeira man todas as tarefas e actividades que desenvolvemos desde a biblioteca:

https://view.genially.com/68b48a6b76c8a6693d4cdf19/interactive-content-biblioteca-do-polbo-tinton

 

Bule e clica nel!

 

APERTAS!

O polbo Tintón.

 

 

 

BENVIDA AO CURSO 2025-2026!

 

    Polo que poderedes observar, ando aproveitando os meus últimos días de descanso na praia. Pero non vos preocupedes, porque non me olvidei de todos/as vós! Como podería facer tal cousa…

    Os meus amiguiños/as da escola estanme a botar unha man concretando os últimos detalles para a apertura da nosa GRAN BIBLIOTECA. En breve, anunciaremos a súa reapertura ao público. Estade atentos/as!

 

    Para que a espera se vos faga algo máis levadeira, déixovos unhas cantas novidades e anuncios importantes:

•       Esta semana rematamos de montar as caixas con libros da biblioteca para que TODAS as aulas poidan ter os exemplares que máis lles interese nas súas aulas.
•  A vindeira semana (do 22 ao 26 de setembro), fareilles chegar unha carta aos meus queridos/as voluntarios/as para que poidan seguir axudando na lectura aos máis pequenos, colaborando con asociacións externas, así como botando unha man na biblioteca ao longo dos recreos!
•  Cada aula xa puido anotarse para poder desfrutar dunha sesión semanal da biblioteca para eles/as sós/soas. Que marabilla!

 

 

    Pero isto só é o comezo.

    En breve, volverei con máis novidades!

 

 

VÉMONOS PRONTIÑO, AMIGUIÑOS/AS!

O polbo Tintón.