RECREO DE EXPERTOS/AS: CUBO DE RUBIK

 No recreo de expertos da biblioteca de Tintón tocou poñer en marcha o inxenio para resolver un quebracabezas que este ano cumpriu 50 anos: o cubo de Rubik. O experto encargado de amosar como resolve rapidamente este reto foi Aritz da aula de 5º D de E.P. Neste vídeo podedes ver o ben que o resolve en tan só 8 segundos.

Aritz tamén estivo dando trucos para a resolución do cubo de Rubik, tal e como se amosa no vídeo que aparece a continuación.

As nenas e nenos que asistiron a esta sesión non perderon detalle e  puideron poñer en práctica estes trucos.

RECREO DE TALENTOS: TROMPETA

Na biblioteca do polbo Tintón levamos vendo talentos de moi diverso tipo e non podía faltar a música, concretamente o talento amosado por Pablo da aula de 5º D de E. P. tocando a trompeta.

Como podedes observar nas imaxes que aparecen a continuación, o público que asistiu a este recreo de talentos foi moi numeroso:

No seguinte vídeo podedes ver parte do recital de trompeta que nos ofreceu Pablo.

VOLUNTARIADO LECTOR

O alumnado de  5º e 6º de Educación Primaria realizou o pasado xoves 21 de marzo unha nova sesión de voluntariado de lectura cos nenos e nenas de Educación Infantil e de 1º de EP. Na seguinte presentación de fotos podedes ver imaxes desta actividade nalgunhas das aulas nas que os maiores deleitaron aos máis pequechos do noso centro a través da lectura.

RECREO DE TALENTOS: DEBUXO

Os alumnos Fran (6º EP) e Leo (4º  EP) escolleron a bilioteca do polbo Tintón para realizar unha exposición dos seus debuxos:

Ademais de poder contemplar os debuxos creados por estes dous compañeiros, o alumnado que asistiu no recreo á biblioteca poideron pedirlle a estes artistas un retrato (nas fotos que aparecen a continuación podedes ver aos debuxantes creando e aos modelos posando).

RECREO DE TALENTOS: MAXIA

No recreo deste venres as nenas e nenos tiveron a posibilidade de gozar dunha sesión de maxia a cargo das alumnas de 2º de Educación Primaria: Manuela, Ana, Emma, Carolina, Claudia, Mayra, Camila e Valeria.

Nos vídeos que aparecen a continuación podedes ver os diferentes trucos realizados por estas nenas.

 

 RECREO DE EXPERTOS/AS: TAEKWONDO

Un martes máis, o alumnado que asistiu durante o recreo á biblioteca do polbo Tintón puido gozar dunha demostración de expertos. Neste caso foron Ander e Nico, alumnos de 6º de Eduación Primaria, os encargados de ensinarnos algunhas das técnicas dunha arte marcial: o taekwondo.

Despois de ver unha serie de movementos que  executaron moi ben Nico e Ander, estes pediron nenos e nenas voluntarias de entre o público que quixesen  practicalos.

 CLUB DE LECTURA

O luns 11 de marzo tivo lugar a segunda sesión do club de lectura "O océano dos libros". O alumnado que forma parte do mesmo leu a obra "Microalgas". O obxectivo desta sesión foi a análise posterior á lectura. Para iso as mestras encargadas de dinamizar o club, María e Yolanda, elaboraron un Kahoot con diversas cuestións en relación a esta obra.

Posteriormente as nenas e nenos falaron da propia experiencia da lectura; coincidiron en que lles agradou moito, así como  que ao rematar o libro quedaron con gañas de continuar esta aventura e mergullarse na segunda e terceira parte desta banda deseñada. Xa que na bilioteca de Tintón contamos con exemplares da continuación desta obra de Xulia Pisón, o alumnado do club de lectura pode seguir gozando destas lecturas que tanto interese espertaron.

Ao longo da sesión tamén houbo tempo para ver outras obras relacionadas coa temática que trata "Microalgas", así como para centrarse en aspectos máis concretos como a análise das personaxes que aparecen no libro.