Este martes o recreo de expertos/as contou coa participación de Estefanía, alumna de 3º de E.P., quen lle ensinou ás nenas e nenos que acudiron á biblioteca como facer un debuxo dun animal partindo dunha letra. Nas fotos que vedes a continuación fixeron unha xirafa partindo da letra "h" minúscula. Dámoslle un forte aplauso pola súa creatividade!.
Este luns o alumnado de 5º e 6º de E.P. que forma parte do club de lectura tivo unha nova sesión do mesmo. Como a lectura que están a realizar agora mesmo é unha historia de banda deseñada, a actividade proposta xirou arredor deste xénero literario.
A partir dunha serie de imaxes dun parque e dun edificio, as nenas e nenos tiveron que invertar os diálogos que terían as persoas que alí aparecen.
A semana próxima será a derradeira sesión do club de lectura e nela os nenos e nenas presentarán os mundos imaxinarios que foron creando inspirándose na lectura de "Incoloro".
Este xoves, 5 de xuño, celebrouse o DÍA MUNDIAL DO MEDIO AMBIENTE e as nenas e nenos de 5º de E.I. do noso centro quixeron facer unha recomendación lectora a través deste conto:
Trátase dun conto que algunha vez estivo editado en castelán pero que agora mesmo está descatalogado e só está dispoñible en inglés. Aínda así a súa comprensión é moi asequible, xa que as imaxes expresan moi ben a mensaxe que esta obra pretende transmitir: con pequenos xestos do día a día podemos facer grandes contribucións para coidar o noso planeta.
Neste vídeo podedes ver o conto contado polo alumnado de Educación Infantil:
A semana pasada Julio (6º E.P.) e Xan (4º E.P.) fixeron unha presentación moi interesante sobre a teoría da evolución. Como tiñan aínda moitas cousas máis que contarnos, este martes centráronse nos fósiles. Trouxeron varias mostras de fósiles e estiveron falando sobre eles. Desde aquí felicitámolos por saber tanto sobre a Historia Natural e sobre todo por compartilo connosco.
Durante as últimas semanas houbo varias familias de alumnado de 1º de E.P. que se achegaron á nosa biblioteca para falar das súas profesións: nutricionista, dentista, hixienista dental, costureira, axente de viaxes e artesán de xeados. Desde aquí queremos darlles as grazas por dedicarnos un anaquiño do seu tempo para vir a presentarnos as súas profesións dun xeito tan ameno. A modo de recordo, desde a biblioteca agasallóuseas cunha candea que fixeron as persoas usuarias da asociación Íntegro (asociación coa que, como xa sabedes, colaboramos no voluntariado solidario de lectura).
Na presentación de fotos que aparece seguidamente podedes ver algúns momentos destes encontros coas familias:
Aí vai unha entrada que esquecimos incluír no blog.....na biblioteca de Tintón temos tanta actividade que ás veces escápansenos cousas.
Durante a celebración da Semana do Libro e da Lectura tivemos o gusto de ter na biblioteca un obradoiro de impresión cunha imprenta ambulante: ALOUETTE MACHINE imprenta tipográfica ambulante.
No vídeo que aparece seguidamente podedes ver como é esta imprenta:
CLUBS DE LECTURA Boa tarde, meus amiguiños e amiguiñas! Como ben sabedes, este curso, estamos a desenvolver uns ...
