PRESENTACIÓN
DO PROXECTO DO CENTRO: “CÓNTAME UN CONTO”
Boa tarde, cativiños e cativiñas!
No día de onte, vivimos un día cheo de ledicia, sorrisos e
sorpresas. Por fin, desvelamos o proxecto do noso centro educativo para o presente
curso académico, chamado "Cóntame un conto".
As encargadas de levar a cabo a presentación foron as titoras de
Educación Primaria Laura Rodríguez Fariña (3ºB) e Verónica Quintero Castro
(3ºC), membros ambas as dúas do Equipo de Biblioteca do centro.
Comezaron recordando o proxecto do curso pasado, sobre a figura
de Julio Verne.
Prepararon e desenvolveron unha pequena obra teatral, na que se
realizaba unha viaxe ao pasado, hai uns 100 anos, onde a vida non se rexía
polas novas tecnoloxías.
Na obra, podíamos ver a unha avoa, Teresa, intentando contarlle un conto
ás súas netas, a cal era interrompida continuamente por un dos irmáns Grimm.
Así, pouco a pouco foron desvelando a temática do centro e en que nos
centraremos ao longo de cada trimestre:
1º TRIMESTRE: contos de tradición oral.
2º TRIMESTRE: contos clásicos.
3º TRIMESTRE: contos doutros países e culturas.
Velaquí podedes ver parte da súa grandísima actuación, clicando na seguinte imaxe:
Por último,
visionamos un vídeo sobre a temática do proxecto, elaborado polo Equipo de
Biblioteca. Podedes velo a continuación:
Pedimos desculpas pola calidade dos vídeos, xa que houbo que comprimilos para poder subilos a esta publicación.
Desde aquí,
gustaríanos agradecer o gran esforzo levado a cabo por Laura e Verónica, así
como eloxiar a súa imaxinación, creatividade e paixón polo seu traballo e en cada tarefa que levan a cabo. Grazas,
de corazón!
Agora, tócavos
a vós, aos nenos e nenas, poñervos mans á obra!
APERTAS!
O polbo Tintón.
